Qaraǵandy oblysyndaǵy kedende bıylǵy jyly jemqorlyq qylmystary men quqyq buzýshylyqtar bolǵan joq

QARAǴANDY. 29 jeltoqsan. QazAqparat - Qaraǵandy oblysynyń kedendik qyzmetinde bıylǵy jyly birde bir jemqorlyq qylmysy men quqyq buzýshylyǵy bolǵan joq, dep habarlady vedomstvonyń baspasóz qyzmetinen.

Buǵan aldyn alý jumysy septigin tıgizdi, dep atap ótedi oblystyq kedendik baqylaý departamentinen.

«Kedendik qyzmet kedendik protsedýralardy jeńildetý maqsatynda ákimshilik tosqaýyldardy qysqartý, kedendik ákimshelendirýdi jetildirý jáne syrtqy saýdany damytý boıynsha sharalardy qoldanýda. Keden organdary qyzmetiniń basymdyq baǵyty qyzmettik tulǵalar jasaıtyn jemqorlyq qylmystary men buzýshylyqtardyń aldyn alý, anyqtaý jáne bultartpaý boıynsha jumystardy ótkizý bolyp tabylady».

QR kedendik organdarynda 2011-2015 jyldary jemqorlyqty tómendetý boıynsha sharalar jospary iske asyrylýda, dep eske salady vedomstvoda.

«Qaraǵandy oblysy boıynsha KBD-niń ishki qaýipsizdik basqarmasy óz qataryndaǵy jemqorlyqty azaıtý boıynsha maqsatty aldyn alý jumystary ótkizilýde. Atalǵan bólimsheniń tártipke salynǵan jumysynyń arqasynda 2012 jyly jemqorlyq qylmystary men quqyq buzýshylyqtar jasalǵan joq», - dep atap ótilgen habarlamada.