Qaraǵandy oblysyndaǵy Qazaqmys ken ornynda kenshi qaza tapty

QARAǴANDY. QazAqparat - Qaraǵandy oblysy Jezqazǵan qalasynda «Qazaqmys korporatsııasy «Jomart» JShS» kenishinde 42 jastaǵy kenshi qaza tapty, - dep habarlaıdy kompanııanyń baspasóz qyzmeti.

Qaraǵandy oblysyndaǵy Qazaqmys ken ornynda kenshi qaza tapty

«Jezqazǵandaǵy «Jomart» ken ornynda uńǵymaǵa jınalǵan balshyq pen sýdy tartyp shyǵarý barysynda jeldetkish dińgekterdiń birinen 42 jastaǵy kenshiniń denesi tabylǵan. Mamandardyń aıtýynsha, jumysshy dıametri 4 metrge jýyq jeldetpe shýrftan kenetten sý kelýi nátıjesinde zardap shekken», - delingen habarlamada.

Kompanııa aqparaty boıynsha, kenshi buıryq boıynsha óz jumysyn oryndaǵan.

Oqıǵanyń mán-jaıy men sebepterin arnaıy komıssııa anyqtaıtyn bolady.