Qaraǵandy oblysyndaǵy kásiporynda sheteldik qyzmetkerlermen qaqtyǵys boldy
QARAǴANDY. QazAqparat – Qaraǵandy oblysynyń ákimi Jáırem kentindegi jaǵdaıdy retteý úshin turǵyndarmen jáne jumysshylarmen kezdesti, dep habarlaıdy QazAqparat tilshisi.
12 tamyzda Jáırem taý-baıytý kombınatynyń jumysshylary arasynda qaqtyǵys bolǵan. Birneshe sheteldik qyzmetker jeńil jaraqat alǵan. Olarǵa medıtsınalyq kómek kórsetildi.
Jaǵdaıdy retteý úshin oqıǵa ornyna Qaraǵandy oblysynyń ákimi Erlan Qoshanov bardy. Jáırem kentinde óńir basshysy jergilikti turǵyndarmen jáne jumysshylarmen kezdesti.
Kezdesý nátıjesinde jaǵdaı turaqtaldy. Kenttegi jaǵdaıdy oblys ákimi jiti baqylaýǵa aldy.
