Qaraǵandy oblysyndaǵy epıdemıologııalyq ahýal qandaı
Oblys basshysy sonymen birge óńirdegi KVI boıynsha jalpy epıdemıologııalyq ahýal týraly túsinik berdi.
«Statıstıka boıynsha Qaraǵandy oblysynda aýyrǵandar sany táýligine 15-20 adamnan aspaıdy. Infektsııanyń taralýynyń ortasha kórsetkishi 1,11% - dy quraıdy. Statsıonarlardaǵy tósekterdiń toltyrylýy 4%-dan aspaıdy. Biraq biz búkil álemde jaǵdaıdyń alańdatarlyq ekenin kórip otyrmyz. Sondyqtan ınfektsııanyń taralýyn boldyrmaý jáne aldyn alý boıynsha barlyq qajetti sharalardy qabyldaımyz», - dep atap ótti Jeńis Qasymbek.
Aýrýdy múmkindiginshe erterek anyqtaý, naýqasty oqshaýlaý jáne úıde sapaly emdeý úshin alǵashqy medıtsınalyq kómekti kúsheıtýge basa nazar aýdarylady. Ol úshin oblysta 288 mobıldi emhanalyq brıgada jumys isteıdi. Qosymsha 122 jeńil avtokólik jáne 60 reanımobıl satyp alyndy. Jedel járdemniń sanıtarlyq avtokólik parki jyl sońyna deıin tolyǵymen jańartylady.
Sonymen qatar, shalǵaı eldi mekenderde jumys isteý úshin qajetti apparatýramen jabdyqtalǵan toǵyz jyljymaly medıtsınalyq keshen daıyndaldy.
Sondaı-aq, osy jyldyń kókteminen bastap statsıonarlardyń tósek qory 2 eseden astam – 2 200-den 4 427 orynǵa deıin ulǵaıtyldy. Bul rette patsıentterdi josparly emdeýge jatqyzý jáne emdeý júrip jatyr.
Jezqazǵanda 200 tósektik jańa modýldi gospıtal óz jumysyn bastady. Ol zamanaýı medıtsınalyq jabdyqtarmen: kompıýterlik tomografpen, sandyq rentgen apparatymen, medıtsınalyq gazdar júıesimen, ÝDZ, EKG, ÓJJ jáne t.b. jabdyqtaldy. Osy aptada Temirtaýda 250 oryndyq ınfektsııalyq statsıonar ashylýy tıis. Shahtınsk qalasynda juqpaly aýrýlar korpýsyn jóndeý aıaqtalýǵa jaqyn. Jeltoqsan aıynda Abaıda ınfektsııalyq bólimsheni jáne Temirtaýda provızorlyq bólimsheni jóndeý aıaqtalady.
Sonymen qatar, búgin, 9 qarashada Qaraǵandy medýnıversıtetiniń kásiptik aýrýlar ınstıtýtynyń ǵımaratynda 150 oryndyq ınfektsııalyq-provızorlyq gospıtal ashyldy.
Máselen, Qaraǵandy oblysynda KVI emdeýge arnalǵan tósek sany 5,2 myńǵa deıin jetkiziledi.
Aımaqta koronavırýsty tekserýge de kóp kóńil bólinedi. Qazirgi ýaqytta oblysta jeti PTR-zerthana jumys isteıdi. Olardyń jalpy qýattylyǵy – táýligine 8 myń zertteý. Taldaý nátıjelerin kútý ýaqyty – bir táýlikten aspaıdy.
Qarasha aıynda Balqashta PTR-zerthanasyn ashý josparlanýda, sondaı-aq Jezqazǵanda osyndaı medıtsınalyq mekemeniń ótkizý qabileti ulǵaıtylatyn bolady. Osylaısha, barlyq zerthanalardyń jalpy qýaty táýligine 10 myńnan astam testini quraıdy.