Qaraǵandy oblysyndaǵy «Ekaterınbýrg-Almaty» tasjoly jabyldy

NUR-SULTAN. QazAqparat – Aqmola oblysyndaǵy «Nur-Sultan-Petropavl» tasjoly ashyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap.

«5 naýryz saǵat 06:00-degi jaǵdaı boıynsha, Aqmola oblysyndaǵy «Nur-Sultan-Petropavl» tasjolynyń 18-231 shaqyrymynda naqtyraq aıtqanda, Nur-Sultan qalasy men Şýchınsk qalalary arasyndaǵy jol bóligi ashyq»,-delingen habarlamada.

Al Qaraǵanda oblysyndaǵy «Ekaterınbýrg-Almaty» tasjolynyń 1492-1854 shaqyrym, naqtyraq aıtqanda Karaganda men Balqash qalalarynyń aralyǵyndaǵy jol bóligi aýa raıyna baılanysty (burqasyn, joldyń kórinbeýi) 5 naýryz saǵat túngi 03:15-ten bastap barlyq kólik túrleri úshin jabyq.