Qaraǵandy oblysyndaǵy demografııalyq ahýal
QARAǴANDY. QazAqparat - Bıyl bes aıdyń ishinde Qaraǵandy oblysynda jańa týǵan sábıler sany 39 adamǵa artqan. Sondaı-aq, qaıtys bolǵandar sany byltyrǵymen salystyrǵanda 1,5 protsentke ósken, dep habarlaıdy QazAqparat tilshisi.
«2018 jyldyń bes aıynda AHAT organy 9163 jańa týǵan sábıdi tirkegen. Sonyń ishinde 7399 náreste - qalalyq jerde jáne 1764 sábı - aýyldyq jerde dúnıege kelgen. Sábılerdiń arasynda uldardyń úlesi 52,8 protsentti qurasa, qyzdar - 47,2 protsent. ıAǵnı, ár 100 qyz balaǵa 111,7 uldan kelip otyr», - dep jaýap berdi Qaraǵandy oblystyq statıstıka departamenti basshysynyń orynbasary Sáýle Komýtova agenttiktiń joldaǵan saýalyna.
Budan bólek, 2018 jyldyń 5 aıynda Qaraǵandy oblysynda qaıtys bolǵandar sany byltyrǵy kórsetkishpen salystyrǵanda 1,5%-ǵa artyp, 5881 adam bolǵan.
Vedomstvoda atap ótkendeı, qaıtys bolýdyń jalpy koeffıtsıenti byltyrǵymen salystyrǵanda 0,6 protsentke ósip, 1000 adamǵa shaqqanda 16,05 quraǵan.
