Qaraǵandy oblysyndaǵy burynǵy «Darıal-Ý» radıolokatsııalyq stansysynyń ǵımaraty qulady, úıindi astynda qalǵan adamdar izdestirilýde
QARAǴANDY. Qańtardyń 25-i. QazAqparat /Valentına Elızarova/ -Qaraǵandy oblysy Aqtoǵaı aýdanyndaǵy burynǵy «Darıal-Ý» radıolokatsııalyq stansysynyń qulaǵan ǵımaratynda osymen úshinshi táýlik boıy izdeý-qutqarý jumystary júrgizilýde.
Bul týraly oblystyq tótenshe jaǵdaılar departamentiniń baspasóz qyzmetinen habarlady.
Konstrýktsııalardy buzý kezinde qańtardyń 22-si kúni ǵımarat qulap, úıindiniń astynda 5 adam qalyp qoıǵan bolatyn. Olardyń bireýi qutqaryldy. Odan keıin bir adamnyń óli denesi tabyldy. Qutqarýshylar úıindiniń astynda qalyp qoıǵan úsh zardap shegýshini izdestirýde.
«Oqıǵa ornynda tótenshe jaǵdaılar departamenti jedel-qutqarý otrıadynyń qyzmetkerleri, ıisshil ıttermen kınologtar jumys isteýde. Olarǵa Tótenshe jaǵdaılar mınıstrligi №52859 áskerı bóliminiń qutqarýshy bóliminiń qyzmetkerleri de kómekke keldi.
