Qaraǵandy oblysyndaǵy balalar teatry onlaın-rejımdegi jumysqa kóshti
QARAǴANDY. QazAqparat – Temirtaý qalasynyń Balalar men jasóspirimder teatry onlaın-rejımdegi jumysqa kóshti. Bul qadam elde tótenshe jaǵdaıdyń engizilýine baılanysty jasalyp otyr, dep habarlaıdy QazAqparat tilshisi.
Atap ótilgendeı, kórermenderge spektaklderdi onlaın kórsetýge ázirge tehnıkalyq múmkindik joq. Biraq pesalar tikeleı efırde oqylatyn bolyp sheshildi.
«Biz kórermenderdi teatrsyz qaldyrmaýǵa umtylamyz. Eger olardy ózimizge shaqyrýǵa ýaqytsha múmkindik bolmasa, onda biz olarǵa barýymyz tıis. Internet, áleýmettik jeliler – eń qolaıly nusqa dep esepteımiz. Kórermender aıyna bir ret zamanaýı dramatýrgtardyń pesalaryn oqyp úırengen. Sondyqtan Instagram-da onlaın-rejımde oqý uıymdastyramyz. temirtau.tuz – osynda kez kelgen adam bizge qosyla alady», - deıdi dırektordyń kórermender jónindegi orynbasary Pavel Avdıýkov.
Jas kórermender úıde otyryp, ózin-ózi damytýmen aınalysyp, shyǵarmashylyq úderiske qatysý úshin ujym vıktorınalar da ótkizetin bolady. Qazir baıqaý sharttary ázirlenýde. Sondaı-aq súıikti ártistermen onlaın-kezdesý josparlanǵan.
Gılerme Fıgeıredonyń «Ezop» pesasyn oqý 18 naýryzǵa josparlanǵan. Tikeleı efır ótkizý týraly tolyq aqparatty kelesi nómirler boıynsha bilýge bolady: (8 -7213) 93-51-84, 44-76-73.
