Qaraǵandy oblysyndaǵy avtomobıl kóliginiń qozǵalysy boıynsha qoıylǵan shekteý alyndy - Kólik jáne kommýnıkatsııa mınıstrligi
ASTANA. Aqpannyń 5-i. QazAqparat - Aýa raıynyń qolaısyz jaǵdaıyna (uıtqyma jel, syrǵyma qar, boran) jáne kórinýdiń shekteýligine baılanysty aqpannyń 4-i kúni saǵat 19.00-den bastap Mańǵystaý oblysynyń Beıneý - Aqjigit - Ózbekstannyń shekarasy avtomobıl jolynda avtomobıl kóliginiń barlyq túrlerine qozǵalys jabyldy.
Qazirgi tańda atalǵan ýchaskede «Qazaqavtojol» RMK 5 jol-paıdalaný tehnıkasy jumys isteýde. Ýaqtyly kómek kórsetý maqsatynda táýlik boıy jol boıy baqylaýǵa alyndy.
Sondaı-aq aqpannyń 4-inen 5-ine qaraǵan túni temperatýranyń Tselsıı boıynsha -35 gradýsqa deıin tómendeýine baılanysty Qaraǵandy oblysy boıynsha jáne osy oblys baǵytyndaǵy Pavlodar qalasynan shyǵatyn qatynas jolda jolaýshy jáne dızeldi kólikterdiń qozǵalysy shekteldi. Qazirgi ýaqytta bul shekteýler alyndy.
Basqa respýblıkalyq mańyzy bar avtomobıl joldarynda jol ashyq.
