Qaraǵandy oblysyndaǵy aýyldar membaǵdarlamalardyń arqasynda kórkeıip keledi
QARAǴANDY. QazAqparat – Qaraǵandy oblysyndaǵy Osakarov jáne Nura aýdandary - «Aýyl - el besigi» jáne «Jumyspen qamtýdyń jol kartasy» atty eki memlekettik baǵdarlama arqasynda damyp keledi.
Onda mektepter men aýrýhanalar, joldar jóndelip, gúlzarlar abattandyrylyp, jańa áleýmettik nysandar salynýda, dep habarlaıdy QazAqparat tilshisi.
Bul baǵdarlamalar sheńberinde júzege asyrylyp jatqan jumystar ómir súrý úshin qolaıly jaǵdaı týǵyzyp qana qoımaı, jergilikti halyqty jumyspen qamtýǵa múmkindik beredi. Osakarov jáne Nura aýdandaryna jumys sapary barysynda Jeńis Qasymbekke qandaı jumystar atqarylǵany týraly baıandaldy.
Mysaly, Osakarovkada 64 kósheniń birden 54-i retke keltirilip jatyr. Kenttiń negizi qalanǵannan beri bir mezgilde osynshama aýqamdaǵy jumystar astqarylǵan emes. Sonymen qatar, aýdannyń eki kentinde tozǵan sý qubyry jelileri qaıta jańǵyrtylýda. Munyń bári «Aýyl - el besigi» baǵdarlamasy aıasynda atqarylyp jatqan jumystar.
«Baǵdarlama boıynsha úsh aýyldyq okrýgte barlyǵy 1,5 mlrd teńgege alty jobany júzege asyrý josparlanǵan. 100-ge jýyq jumys orny quryldy», - dedi Osakarov aýdanynyń ákimi Nurken Kóbjanov.
Jeńis Qasymbek Osakarovkada osyǵan deıin eshqashan asfalt bolmaǵan joldardyń qalaı retke keltirilip jatqanyn tekserdi. Merdigerge jumysty merziminde aıaqtaýdy tapsyrdy. Búgingi tańda 32 kóshege asfalt tóseldi.
«Kún sýytyp ketpeıinshe, jumysty tezdetý kerek», dedi oblys ákimi.
Al Nura aýdanynda «Jumyspen qamtýdyń jl kartasy» boıynsha 17 jobaǵa 1,3 mlrd teńge bólindi. Munda da joldar, áleýmettik nysandar salynyp, jumys oryndary ashylýda. Mysaly, Shahter aýylynda tórt kóshe abattandyrylyp, jaryqtandyrý jumystary júrgizilip, mektepte aǵymdaǵy jóndeý júrgizildi. Kelesi jyly Nurada basseın jáne 20 eki páterli úı paıdalanýǵa beriledi. Turǵyn úı jalǵa beriletin bolady, ony kezekte turǵan kópbalaly, jetim, múgedekter jáne úıleri apatty dep tanylǵan adamdar arasynda bólý josparlanǵan.
«Memlekettik baǵdarlamalar aýdanymyzdyń damýyna serpin berdi. Ár túrli nysandardyń belsendi qurylysy bastaldy, eń bastysy, jumys oryndary qurylýda. Pandemııa kezinde biz jergilikti halyqty qoldap, adamdardy jumyspen qamtamasyz ete aldyq. Bizde 410 jumys orny ashyldy», - dedi Jeńis Qasymbekke Nura aýdanynyń ákimi Aıan Shalmaǵanbetov.
Shahter aýylynda oblys ákimi jańa otbasylyq-dárigerlik ambýlatorııada bolyp, joldardyń jóndelýin tekserip, jergilikti bılikke aýdandy odan ári damytý jóninde tapsyrmalar berdi.
