Qaraǵandy oblysyndaǵy aýylda nóser saldarynan 20-dan astam aýla men úı zardap shekti
Osakarov aýdanynyń ákimi Núrken Kóbjanov óziniń Facebook-tegi paraqshasynda Qaratomar aýyldyq okrýginiń Senokosnoe aýylyn aralaý nátıjeleri týraly habarlady. Aýdan basshysynyń aıtýynsha, zardap shekkender men mal ólimi joq.
«Saǵat 15.00-den 15.30-ǵa deıin nóser jańbyr jaýyp,12 aýla men 9 úıdi sý basty. Sý úılerdiń ishinde 20 santımetrge deıin kóterildi. Oqıǵaǵa sý aǵatyn aryqtardan sýdyń shyǵýy sebep boldy. Jergilikti jerde JAO, TJB, polıtsııa jumys istep jatyr. Sý ketip, jertólelerden sý sorylyp jatyr. Komıssııa qorytyndysynan keıin halyqqa qajetti kómek kórsetiledi. Zardap shekkender joq, mal ólimi tirkelgen joq. Másele baqylaýda. Halyqpen jedel kezdesý ótkizildi», - dep jazady aýdan ákimi Núrken Kóbjanov.
Esterińizge sala keteıik, áleýmettik jelilerde aýyl turǵyndary nóserden keıin aýlalardy sý basý týraly beıne jarııalaǵan bolatyn.