Qaraǵandy oblysyndaǵy aýylda iri qaradan qarasan anyqtalyp, karantın jarııalandy

QARAǴANDY. QazAqparat – Qaraǵandy oblysy Qarqaraly aýdanyna qarasty Martbek Mamyraev aýyldyq okrýgindegi «Svırıdov» qojalyǵynda iri qaradan qarasan anyqtaldy. dep habarlaıdy QazAqparat tilshisi.

Mal ıesiniń sózinshe, mal shyǵyny bıylǵy 15 qazanda bastalǵan. Alǵashynda ýlanǵan bolar, dep habarlamaǵan jáne 20 qazanda 7 bas mal shyǵyn bolǵan. Ol alǵashqy 5 maldyń óleksesin kómgizgenin jetkizdi.

20 qazan kúni ólgen buzaýdan patalogııalyq synamalar alynyp, qarasan jáne sibir jarasy aýrýlaryna zertteýge jiberildi. Saraptama aktisine sáıkes, iri qara maldyń synamasynan qarasan aýrýy anyqtalǵan.

«Martbek Mamyraev aýyldyq okrýginiń «Qospaq» qystaǵyndaǵy «Svırıdov» sharýa qojalyǵy aýmaǵynda iri qara maldary arasynan qarasan aýrýy anyqtalýyna baılanysty karantın belgilensin», - delingen aýyldyq okrýg ákimi J.Áskerbekulynyń «Ashyq» NQA portalynda jarııalanǵan tıisti sheshiminde.

Aýrýdyń taralýyna jol bermeý maqsatynda mal ıesine ózge janýarlardy oqshaýlap ustaý eskertilgen.

Qosa ketsek, buǵan deıin Túrkistanda usaq maldan brýtsellez tabylǵan eki aýyl karantınge jabylǵan edi.