Qaraǵandy oblysyndaǵy áleýmettik jáne ınfraqurylymdyq jobalar qosymsha qarjylandyrylady
QARAǴANDY. QazAqparat – Qaraǵandy oblysynda áleýmettik jáne ınfraqurylymdyq jobalar qosymsha qarjylandyryldy. Bul olardyń iske asyrylýyn jedeldetýge múmkindik beredi. Oblystyq bıýdjetke ózgeristerdi depýtattar onlaın rejıminde ótken kezekten tys VI sessııada bekitti, dep habarlaıdy QazAqparat tilshisi.
Qarjy basqarmasynyń basshysy Lıýdmıla Basharına málim etkendeı, qazyna salyq alymdary esebinen tolyqty. Sondaı-aq, memlekettik satyp alý qorytyndysy boıynsha únem paıda boldy. Taǵy bir derek kózi – «Damý» kásipkerlikti damytý qorynyń bıýdjettik nesıelerin óteý.
Qarajattyń bir bóligi joldardy jóndeýge jáne óńirlerdegi jylýmen jabdyqtaýdy jaqsartýǵa jáne gazdandyrýǵa qatysty jobany jalǵastyrýǵa jumsalady. Sonymen qatar, «Aýyl – el besigi» baǵdarlamasy boıynsha da qosymsha qarjy qarastyrylady. Olardyń arasynda Jezqazǵan qalasynyń Keńgir aýylynda mektep salý, Sátbaev qalasyndaǵy «ıÝnost» stadıonyn qaıta qurý jospary bar.
Suranysqa ıe mamandardy daıarlaýǵa arnalǵan memlekettik bilim berý tapsyrysy ulǵaıady.
Sonymen qatar, respýblıkalyq bıýdjetten «Bıznestiń jol kartasy – 2025» baǵdarlamasy boıynsha qosymsha transh bólindi.
«Barlyq baǵyttar mańyzdy. Bul pandemııamen kúres. Áleýmettik jáne ınjenerlik ınfraqurylymdy damytý. Biz birqatar jobalardy jedeldetkimiz keledi. Jeti aıdyń qorytyndysy boıynsha áleýmettik-ekonomıkalyq damýdyń barlyq kórsetkishteri boıynsha oń dınamıka saqtalyp otyr. Mysaly, negizgi kapıtalǵa salynǵan ınvestıtsııalar 6,7%-ǵa ósti. Jospar boıynsha barlyq iri ınvestıtsııalyq jobalar júzege asyrylýda. Qurylys belsendi júrip jatyr. Turǵyn úı qurylysynyń kólemi ótken jyldyń sáıkes kezeńimen salystyrǵanda 14%-ǵa ósti.
Jyl sońyna deıin shamamen 700 myń sharshy metr tapsyrýdy josparlap otyrmyz. Bul ótken jylǵy nátıjeniń tórtten bir bóligine artyq», - dep atap ótti oblys ákimi Jeńis Qasymbek.
Sessııada sondaı-aq MJÁ jobalarynyń tolyqtyrylǵan tizimi bekitildi.
Kásipkerler Qaraǵandy men Temirtaýda eki jańa emhana salýdy kózdep otyr.
Jobalardyń biri mektep ashanalarynyń jumysyn jańǵyrtýǵa qatysty.
