Qaraǵandy oblysynda «ZIL» avtokóligi men «Mersedestiń» soqtyǵysýy saldarynan alty adam qaza tapty
QARAǴANDY. Maýsymnyń 10-y. QazAqparat /Valentına Elızarova/ - Qaraǵandy oblysy Jezqazǵan qalasynda búgin tańǵy saǵat jetide, batys aınalma jolynda «ZIL» jáne «Mersedes» avtokólikteri soqtyǵysty,
dep habarlaıdy oblystyq tótenshe jaǵdaılar departamentiniń baspasóz qyzmeti.
Jol-kólik apatynyń saldarynan alty adam qaza tapty. Olar - «Mersedes» avtokóliginiń júrgizýshi jáne bes jolaýshysy. «Mert bolǵan júrgizýshi 27 jasta, al eki jolaýshy da 29 jáne 27 jastaǵy jas jigitter. Qazirgi ýaqytta kóz jumǵan bir er adam men eki áıeldiń jeke tulǵalary anyqtalyp jatyr», - deıdi oblystyq TJD baspasóz qyzmeti. Qaza tapqan júrgizýshi avtokólikten órt sóndirý bólimsheleriniń kómegimen shyǵarylǵan.
