Qaraǵandy oblysynda jylýdy 10 qazanǵa deıin berý josparlanyp otyr
QARAǴANDY. QazAqparat - Qaraǵandy oblysynda úıler ortalyq jylý júıesine 10 qazanǵa deıin qosylmaq, dep habarlaıdy ekaraganda.kz.
Búginde oblys aımaqtarynda jylytý maýsymyna daıyndyq jumystary aıaqtalyp keledi. 1 qazandaǵy jaǵdaı boıynsha, jylýmen qamtamasyz etý jelileri 100% daıyndyqtan ótti, 80% jýyp-shaıylǵan.
«Oblystyń Qaraǵandy, Temirtaý, Abaı, Shahtınsk sııaqty qalalary qaraıtyn soltústik jáne ortalyq aımaqtarynda jylytý maýsymyn qazannyń 1-nen 5-ne deıin bastaý josparlanyp otyr. Aýa raıynyń qolaıly bolýyna baılanysty, oblystyń ońtústik aımaqtarynda jylytý maýsymy 10 qazannan bastalady», - dep baıandady apparat keńesinde Qaraǵandy oblysy ákiminiń orynbasary Anatolıı Shkarýpa.
Qazirgi kezlde áleýmettik sala nysandary, turǵyn úıler jáne ınjenerlik jelilerdi daıarlaý jumystary tolyq aıaqtalǵan. Áleýmettik mádenı-turmystyq nysandarǵa 169 myń tonna kómirdiń 156,7 myń tonnasy ákelindi, bul jalpy kólemniń 93 paıyzyn qurap otyr.
Aımaq ákimdikteri jáne oblystyq basqarmalar otyndy jınaqtaý boıynsha aqparat daıyndap, kúndelikti monıtorıng júrgizip jaǵdaıdy baqylap otyr.
