Qaraǵandy oblysynda jylý jelilerine qatysty másele sheshile bastady
QARAǴANDY. QazAqparat – Qaraǵandy qalasynyń Suryptaý shaǵynaýdanynda magıstraldyq jylý jelisiniń qubyrlaryn qaıtadan qaptap jatyr.
Bul tutynýshylarǵa beriletin jylýdy únemdeýge múmkindik beredi. ıAǵnı myqty qaptalǵan qubyr, jylýdy da ońaılyqpen joǵaltpaıdy.
Bıylǵy qysta turǵyndar páterleriniń sýyq bolǵanyna shaǵymdandy. Sonymen qatar, osy aýdannyń jumysshy kentinde sý qubyrynyń qurylysy júrip jatyr.
Qaraǵandy oblysynyń ákimi Jeńis Qasymbek osy jumystardyń barysyn tekserdi.
«Byltyr Qaraǵandy boıynsha uzyndyǵy 117 shaqyrym magıstraldyq jelilerdiń jylý oqshaýlaý jobasy ázirlendi, bıyl birinshi kezeń bastaldy – JEO-3-ten Suryptaýǵa aparatyn magıstral ýchaskesinde jylý oqshaýlaý qalpyna keltiriledi. Biz kezeń-kezeńmen jumys júrgizemiz. Bul jylý shyǵynyn azaıtyp, qala turǵyndaryn sapaly qyzmetpen qamtamasyz etedi», – dedi Qaraǵandy qalasy ákiminiń orynbasary Sábıt Ospanov.
Suryptaýda, Jumys kentinde sonymen qatar sýmen jabdyqtaý boıynsha da joba iske asyrylýda. Bul eldi mekende eshqashan ortalyq sý qubyry bolmaǵan. Uzyndyǵy 16 shaqyrym sý qubyry salynady, ol shamamen 1000 turǵyndy sýmen qamtamasyz etedi. Búgingi tańda eki shaqyrym qubyr tóseldi. Nysandy tapsyrý osy jyly josparlanǵan.
Jeńis Qasymbek sondaı-aq Suryptaý sektorynyń aınalma avtojoly qurylysynyń barysymen tanysty. Jumystarǵa 30 birlik tehnıka jumyldyryldy. Merdiger qurylysty jazdyń sońyna deıin aıaqtaýǵa ýáde beredi.
Oblys ákimi Maıqudyqqa da baryp, Magnıtogorsk kóshesindegi joldyń jáne 11a shaǵyn aýdanyndaǵy 600 oryndyq mekteptiń qurylysy barysymen tanysty.
Aralaý barysynda Jeńis Qasymbek jańa kásiporyn – «Trýbprom» JShS-de boldy. Onyń ónimi Nur-Sultan, Aqmola jáne Qaraǵandy oblystaryn gazdandyrý úshin paıdalanylady. Qaraǵandyda óndiris eki aı buryn iske qosyldy, biraq qazirdiń ózinde 60-qa jýyq jumys orny ashyldy.
Kásiporyn basshysynyń aıtýynsha, óndiris pen ónim jelisiniń keńeıýimen olardyń sany úsh esege artady.
