Qaraǵandy oblysynda jyl sońyna deıin 100 IT-synyp ashylady
QARAǴANDY. QazAqparat- Qaraǵandy oblysynyń kolledjderi men mektepterindegi 100 kabınet zamanaýı kompıýterlermen jabdyqtalady, dep habarlaıdy óńir basshysynyń resmı saıty.
Osynyń arqasynda stýdentter men oqýshylar baǵdarlamalaýdy, 3D modeldeýdi jáne web-paraqsha qurýdy anaǵurlym tereńirek meńgeretin bolady.
Jańa synyptarda ІT-texnologııalardy eki myńǵa jýyq oqýshy bilim alady dep josparlanyp otyr. Olar úshin dárister tegin júrgiziledi.
Ótken jyly Qaraǵandy oblysynda osy sekildi 76 kabınet ashyldy.
Zamanaýı kompıýterlermen qalalar men aýyldardaǵy barlyq mektepterdi jabdyqtaý kózdelip otyr. Bul jańartýlar «Nur Otan» partııasynyń «Balalarǵa arnalǵan tegin IT - synyptar» jańa bastamashyl jobalaryn júzege asyrý sheńberinde ótkiziletin bolady. Qajetti texnıka jergilikti bıýdjet jáne demeýshiler qarajaty esebinen satyp alynady.
