Qaraǵandy oblysynda jyl muǵalimi tańdaldy
QARAǴANDY. QazAqparat - Oblystyq «Jyl muǵalimi» baıqaýynyń qorytyndy kezeńi Dostyq úıinde ótti. Barlyq óńirden 34 pedagog qatysýǵa ótinish berdi. Onyń 12-i fınalǵa ótti, dep habarlaıdy QazAqparat óńir basshysynyń resmı saıtyna silteme jasap.
«Jyl muǵalimi» baıqaýy úsh kezeńnen turdy. Birinshisi aýdandar men qalalar deńgeıinde ótti. Kelesi kezeń oblystyq mamandandyrylǵan «Murager», «Daryn» mektep-ınternattary jáne № 93 gımnazııa bazasynda sabaqtar men synyptan tys is-sharalardy ótkizý tapsyrmasy boldy. Qorytyndy kezeń kópshilik aldynda sóz sóıleý túrinde ótkizildi jáne birneshe týrdan quraldy. Aldymen qatysýshylar ózderin tanystyryp, «ashyq mıkrofon» baıqaýynda usynylǵan taqyryptar boıynsha oı bólisti, sodan keıin pedagogıkalyq jaǵdaıdy taldady.
Baıqaý qorytyndysy boıynsha bas júlde men «Jyl muǵalimi» ataǵyn Balqash qalasynyń №10 mektep-balabaqsha kesheniniń ustazy Oljas Saýrıkov jeńip aldy. Birinshi oryndy № 97 gımnazııanyń tarıh páni muǵalimi Oleg Te enshiledi. Ekinshi oryndy oblystyq tirek-qımyl apparaty buzylǵan balalarǵa arnalǵan mektep-ınternattyń qazaq tili men ádebıeti pániniń muǵalimi Gúlnur Qalıeva ıelendi. Úshinshi oryndy Saran qalasynyń №2 mektep-balabaqsha kesheniniń aǵylshyn tili muǵalimi Darıa Hohlova aldy. Barlyq júldeli oryn ıelerine dıplomdar men aqshalaı syılyqtar tabys etildi. «Úzdik sabaq» nomınatsııasy boıynsha №8 gımnazııanyń hımııa pániniń muǵalimi Gúlnár Bımendına jeńimpaz atandy. «Úzdik synyptan tys shara» nomınatsııasy boıynsha Shet aýdanynan Erbol Qyzylov júzden júırik shyqty. Ol J. Aqylbaev atyndaǵy mektep-gımnazııasynda tarıh páninen sabaq beredi.
«Úzdik úı tapsyrmasy» nomınatsııasy boıynsha Sátbaevtan kelgen Merýert Ábisheva úzdik atandy. Ol Abaı atyndaǵy №2 orta mektepte aǵylshyn tilin oqytady.
«Kórermender kózaıymy» nomınatsııasyn boıynsha Buqar jyraý aýdany Úshtóbe orta mektebiniń bastaýysh synyp muǵalimi Botagóz Alına jeńimpaz atandy.
