Qaraǵandy oblysynda jyl basynan beri alaıaqtyqqa qatysty 677 derek tirkelgen
Internet alaıaqtyq faktileri boıynsha eskertýler men aldyn alý jumystaryna qaramastan oblys turǵyndary tarapynan alaıaqtardyń aldaýyna túsip jatqan azamattardyń sany kún sanap ósip keledi. – Sizderge taǵy da úndeý jasaýǵa májbúr bolyp otyrmyn. Jyl basynan bastap aýmaqtyq ishki ister organdaryna alaıaqtardyń arbaýyna túsý faktisi boıynsha 677 qylmystyq is tirkeldi. Alaıaqtardan turǵyndarǵa keltirilgen shyǵyn
«1 mıllıard 16 mıllıon 179 myń teńge. Jyl basynan bastap, polıtsııa qyzmetkerlerimen júrgizilgen keshendi is-sharalar barysynda aqparattyq júıe arqyly birneshe epızod qylmys jasaǵan 12 adam ustaldy», – dedi Qaraǵandy oblystyq polıtsııa departamenti bastyǵynyń orynbasary Ábil Ábildın.
Onyń aıtýynsha, alaıaqtyq faktisiniń eń kóp taralǵan túriniń biri – ózderin «bank qyzmetkerimiz» dep telefon shalý. Ondaı jolmen alaıaqtyq jasaýdyń 212 deregi tirkeldi. Onyń ishinde Kaspi Bank – 52 fakti, Ulttyq bank – 49 fakti, Eurasian Bank – 35, Halyq Bank – 25 faktiden, ForteBank – 19, Tsentr Kredıt Banki – 10, Homebank – 4, Qazaqstan Bankter Assotsıatsııasy – 3, Jusan Bank boıynsha 1 derek tirkelgen. Jalǵan bank qyzmetkerleri tarapynan turǵyndarǵa keltirilgen shyǵyn kólemi 400 mln teńgeni qurap otyr.
«Keıbir jaǵdaılarda bundaı qylmystarǵa qarjy uıymdarynyń qyzmetkerleriniń qatystylyǵy anyqtalyp jatady. Máselen, 17 mamyr kúni polıtsııa qyzmetkerlerimen júrgizilgen keshendi jedel-izdestirý is-sharalary barysynda 40 jastaǵy bank qyzmetkeri ustaldy. Ol óziniń qyzmetin paıdalanyp, óziniń 33 jastaǵy tanysyna 66 jastaǵy zeınetkerdiń jeke derekterin berip, kúdikti zeınetkerge 930 myń teńge shyǵyn keltirgen. Qazirgi ýaqytta kúdiktilerdiń osyǵan uqsas qylmystarǵa qatystylyǵy tekserilip jatyr, – dedi Ábil Ábildın. Alaıaqtyq faktileriniń aldyn alý maqsatynda 22 mamyrdan bastap Qaraǵandy oblysy aýmaǵynda «Toqta, alaıaq» atty keń kólemdi aktsııa ótkiziledi. – Qurmetti jerlester! Eger bank qyzmetkeri qońyraý shalsa, ol sizderde birden kúmán týdyrýy qajet. Telefon tutqasyn qoıyp, birden jedel jelige nemese «102» arnasyna qońyraý shalyńyz, – dep sózin túıindedi Á.Ábildın.
