Qaraǵandy oblysynda jyl basynan beri 22 bala terezeden qulap ketken
QARAǴANDY. QazAqparat - Qaraǵandy oblysynyń Tótenshe jaǵdaılar departamenti balalardyń terezeler men balkondardan qulap ketýiniń 22 jaǵdaıy tirkelgenin málim etti.
Oqys oqıǵalardyń basym bóligi eresekterdiń qadaǵalamaýynyń saldarynan bolǵan, dep habarlaıdy QazAqparat.
16 tamyzda saǵat 18:00-de Jezqazǵan qalasyndaǵy Gagarın kóshesinde úlkenderdiń qaraýynsyz qalǵan 2015 jylǵy bala abaısyzda 2-qabattaǵy páterdiń terezesinen qulap ketti. Bala aýyr jaǵdaıda aýrýhanaǵa jatqyzyldy.
Bul jyl basynan beri Qaraǵandy oblysynda tirkelgen 22-shi oqıǵa.
Qutqarýshylar balalardyń júris-turysyn qatań qadaǵalaý qajettigin eskertti.
«- Sábılerdi qaraýsyz qaldyrmańyzdar!
- Bala terezeniń aldyna shyqpaýy úshin jıhazdyń barlyq túrlerin terezeniń janynan alyp tastańyzdar!
- Moskıt toryna senbeńizder! Olar balaǵa qorǵanys bola almaıdy!
- Terezege birneshe santımetrden artyq ashýǵa múmkindik bermeıtin arnaıy bekitkishter qoıyńyzdar!
- Eger bekitkish qurylǵy ornatý múmkindigi bolmasa, terezeniń tutqasyn alyp tastap, ony tek qajet bolǵan jaǵdaıda ornatyńyz!
- Ashyq terezeniń janynda bolý qaýpi týraly balalarǵa únemi túsindirińizder!»-delingen habarlamada.
