Qaraǵandy oblysynda jyl basynan 164 áıelde sút bezi ragy anyqtaldy
QARAǴANDY. QazAqparat – 2021 jyldyń basynan bastap Qaraǵandy oblysynda sút bezi qaterli isigin erte anyqtaý boıynsha skrınıngilerge medıtsınalyq saqtandyrý qorynan 384,9 mln teńge baǵyttaldy, dep habarlaıdy QazAqparat tilshisi.
«Bizde tomosıntez fýnktsııasymen mammografııalyq apparat bar. Onda biz maqsatty jáne kontrasty mammografııany, dýktografııany júrgizemiz. Sondaı-aq onyń «stereotaktıkalyq bıopsııa» fýnktsııasy bar, onyń kómegimen óte kishkentaı isikter zertteledi. Al tomosıntez, onyń barysynda qurylǵy mıllımetrge qabatty bólimder jasaıdy. Bir zertteý úshin — 60 tilim. Bul zertteý isikterdiń naqty kórinisin beredi», — dedi «Olımp» mammologııalyq ortalyǵynyń bas dárigeri Bekbolat Toqjumanov.
Jyl basynan oblystaǵy jalǵyz ortalyqta 16 myń zertteý júrgizildi. Tereńdetilgen dıagnoz qoıý nátıjesinde skrınıngiden ótken 164 turǵynda sút bezi qaterli isigi rastaldy. Kópshiliginde aýrý 1-2 satyda, tórt áıelde 3-4 mm ólshemdi isikter anyqtaldy, ıaǵnı nóldik satyda.
«Eger tekserý barysynda patologııa rastalsa, biz bıopsııa júrgizemiz. Gıstologııalyq zertteýler qazirdiń ózinde onkologııalyq ortalyqta júrgizilýde. Emdelýshiniń barlyq tekserýleri MÁMS aıasynda tegin ótedi», — dep atap ótti Bekbolat Toqjumanov.
2 jylda bir ret júıeli skrınıngiden 40 pen 70 jas aralyǵyndaǵy barlyq áıelder ótýi tıis. Alaıda dárigerler jylyna bir ret, ásirese eger naýqasta sút bezi qaterli isiginiń tuqym qýalaıtyn beıimdiligi bolsa nemese jaraqat alsa mammogrammadan ótýdi usynady.
Sondaı-aq ózderińizdi tekserý kerek ekenin umytpaýyńyz kerek. Sút bezderinde túıinderdiń paıda bolýy – bul da indet belgileriniń biri.
