Qaraǵandy oblysynda jumyssyz er adamnan 1 keliden astam geroın tárkilendi
QARAǴANDY. 12 aqpan. QazAqparat - Qaraǵandy oblysynda polıtseıler Dolınka kentiniń 34 jastaǵy turǵynyn ustady, onyń úıin tintý barysynda 1 keliden astam geroın tárkilendi, dep habarlandy oblystyq ІІD-niń baspasóz qyzmetinen.
«Shahtınsk qalasy ІІB esirtki bıznesimen kúres basqarmasynyń qyzmetkerleri keshe 34 jastaǵy turǵynnyń úıinde (Dolınka kenti) tintý jumystaryn júrgizdi. Tintý nátıjesinde 1 keli 75,349 gramm salmaqta esirtki zaty - «geroın» anyqtalyp, tárkilendi», - delingen habarlamada.
Bul jigit esirtki saqtaǵany úshin buǵan deıin de polıtseılerdiń nazaryna ilikken, dep habarlady polıtsııadan.
Onyń ústinen qylmystyq is qozǵaldy. Ol ýaqytsha oqshaýlaý abaqtysyna qamaldy. Tekserý amaldary júrgizilýde.
«Bul qylmys úshin ol 12 jylǵa bas bostandyǵynan aıyrylýy múmkin», - dep habarlady polıtsııadan.
