Qaraǵandy oblysynda jumyrtqany qymbattatqan deldal jaýapqa tartyldy

QARAǴANDY. QazAqparat – Qaraǵandy oblysynda jumyrtqanyń qymbattaýyna sebepker bolǵan deldal jaýapkershilikke tartyldy, dep habarlaıdy QazAqparat Qarjylyq monıtorıng agenttigine silteme jasap.

Agenttiktiń Qaraǵandy oblysy boıynsha departamenti áleýmettik mańyzy bar azyq-túlik taýarlaryna baǵa belgileý monıtorıngi barysynda «Agrofırma Kýrma» JShS shyǵaratyn jumyrtqaǵa ústemeaqy mólsheriniń shekten asqany anyqtaldy. Ónim baǵa tizbegine deldaldyń qatysýynan qymbattaǵan.

Departament pen oblys ákimdiginiń birlesken jumysynyń nátıjesinde baǵa ústemesin asyrǵany úshin deldal – JK «Nosıkov» ákimshilik jaýapkershilikke tartyldy.

Atalǵan seriktesten shyǵatyn jumyrtqanyń baǵasy 470 teńgeden 430 teńgege deıin nemese 9,5%-ǵa tómendetildi.

Qarjylyq monıtorıng agenttigi óndirýshiler men dıstrıbıýtorlarǵa QR «Saýda qyzmetin retteý týraly» Zańynyń normalary saqtalýy qajettigin eske salady.