Qaraǵandy oblysynda júk vagony joldan shyǵýy saldarynan jolaýshylar poıyzy kestelerinen keshikti
ASTANA. 30 jeltoqsan. QazAqparat - Qaraǵandy oblysy Qarabas-Qaraǵanózek stansysynda qurylys zattary tıelgen júk vagony joldan shyǵyp ketti, sonyń saldarynan birneshe jolaýshylar poıyzy kestelerinen keshikti,
dep habarlady QR Tótenshe jaǵdaılar mınıstrliginen.
Taratylǵan aqparatqa sáıkes, oqıǵa 29 jeltoqsan kúni 21 saǵat 47 mınýtta oryn aldy. «Dostyq-Astana» baǵytynda bet alǵan №3457 júk quramyna barlyǵy 28 vagon tirkeýli bolǵan. Abyroı bolǵanda qurbandar men zardap shekkender joq. Esesine, «Astana-Almaty» baǵytyndaǵy №2 (ıspan) poıyz úsh saǵatqa, №10 poıyz - eki saǵatqa jáne №36 poıyz 17 mınýtqa kestesinen keshikti.
Túngi saǵat ekide jóndeý-qalpyna keltirý jumystary tolyǵymen aıaqtaldy.
