Qaraǵandy oblysynda júk kóligi men avtobýs soqtyǵysyp, 4 adam mert boldy

AQTOǴAI. QazAqparat - Qaraǵandy oblysynda jol-kólik apatynan 4 adam qaza boldy. QazAqparat bul týraly Rolisia.kz Telegram-kanalyna silteme jasap habarlaıdy.

19 qyrkúıek kúni saǵat 19:30 shamasynda Aqtoǵaı aýdanymen ótetin «Almaty – Ekaterınbýrg» tasjolynda, Saryshaǵan kentinen 30 shaqyrym jerde MAZ júk kóligi men PAZ jolaýshylar avtobýsy soqtyǵysty.

«Apat saldarynan eki avtokóliktiń júrgizýshisi men avtobýstyń bir jolaýshysy alǵan dene jaraqattarynan oqıǵa ornynda qaza tapsa, avtobýstyń taǵy bir jolaýshysy jedel járdem kóliginde kóz jumdy.

Jol-kólik oqıǵasy kezinde avtobýsta 11 jolaýshy boldy.

Atalǵan fakti polıtsııada tirkelip, tıisti saraptamalar taǵaıyndaldy. Onyń qorytyndysy boıynsha protsessýaldyq sheshim qabyldanady», - delingen polıtsııa málimetinde.