Qaraǵandy oblysynda joldy jóndeý jumystaryna qoǵamdyq baqylaý engiziledi
QARAǴANDY. QazAqparat - 2017 jyly Qaraǵandy oblysynda kólik ınfraqurylymyn damytý maqsatynda jalpy qoldanystaǵy 470 shaqyrym avtomobıl joldaryn jóndeýge 27 mlrd. teńge josparlanǵan, dep habarlaıdy «QazAqparat» HAA tilshisi.
«2017 jyly Qaraǵandy oblysynda kólik ınfraqurylymyn damytý aıasynda 27 mlrd. teńge josparlanǵan. Jalpy qoldanystaǵy 470 shaqyrymdyq avtomobıl joly jóndeledi. Oblystyq baǵdarlamaǵa sáıkes, respýblıkalyq mańyzy bar tas joldyń 252 shaqyrymy qamtylyp, sonyń ishinde 15 shaqyrymy - qaıta qalpyna keltiriledi. Oblystyq mańyzy bar joldar boıynsha úsh kópirdiń qaıta qalpyna keltirilý jumystary jalǵasady, kúrdeli jáne ortasha jóndeýden 28 shaqyrymy ótedi», - dep málimdedi oblystyq jolaýshylar kóligi jáne avtomobıl joldary basqarmasynyń basshysy Abaıdildá Sanaýbarov apparattyq jınalysta.
Nysanaly transfert boıynsha Qaraǵandyda aýqymdy jumystar josparlanǵan. 2017 jyly oblys ortalyǵyndaǵy joldardy jóndeýge 3,8 mlrd. teńge bólingen. «27 nysan, sonyń ishinde 21-i - Oktıabr aýdanyndaǵy: Maıqudyq, Prıshahtınsk jáne Sortırovka eldi mekenderdegi avtomobıl joldary jóndeýden ótedi. Mundaı sheshim turǵyndardan kelgen shaǵymdar sanyn azaıtýǵa múmkindik beredi», - dep atap ótti Sanaýbarov.
Temirtaý, Jezqazǵan jáne Balqash qalalaryndaǵy tas joldar da jóndeýden ótedi.
Óńir basshysy Nurmuhambet Ábdibekov jol jóndeý barysynda qoǵamdyq baqylaý tetigin engizý qajet dep esepteıdi.
