Qaraǵandy oblysynda jolda turyp qalǵan avtobýstyń 44 jolaýshysy qutqaryldy
ASTANA. 8 jeltoqsan. QazAqparat - Jezqazǵan qalasynyń Tótenshe jaǵdaılar basqarmasy Azamattyq qorǵanys jáne tótenshe jaǵdaılar bóliminen habarlaǵandaı, aýa temperatýrasynyń tómendeýine baılanysty Jezqazǵan óńiriniń joldarynda alys baǵyttaǵy jolaýshylar avtobýstarynyń jolda turyp qalý oqıǵalary jıiledi.
Máselen, 8 jeltoqsan kúni, tańerteńgi saǵat 8-de Jezqazǵan qalasy boıynsha TJB-nyń kezekshi bólimine, Jezqazǵannan Qaraǵandy qalasyna qaraı 80 shaqyrym jerde, Qyzylorda-Pavlodar avtojolynda, dızel otynynyń qatyp qalýy saldarynan ishinde 44 jolaýshysy bar Astana-Qyzylorda baǵytyndaǵy marshrýtty avtobýs toqtap qalǵandyǵy týraly habarlandy.
Avtobýs 30 gradýs aıazda jolda uzaq ýaqyt boıy turyp qalǵan. Adamdardy qutqarýmen Jezqazǵan qalasy boıynsha TJD-nyń shuǵyl toby jáne Qaraǵandy oblysy boıynsha TJD «Órtke qarsy jáne apatty-qutqarý qyzmeti» MM-niń eki jasaǵy aınalysty. Nátıjesinde 34 jolaýshy aman-esen Jezqazǵan qalasyna jetkizildi.
