Qaraǵandy oblysynda jolda qalyp qoıǵan avtobýstyń 40 jolaýshysy qutqaryldy

dep habarlady oblystyq tótenshe jaǵdaılar departamentiniń baspasóz qyzmetinen.

Qańtardyń 19-y kúni saǵat 03.04-te «112» telefonyna qońyraý shalynyp, «Qyzylorda-Pavlodar» tas jolynda Qaramuryn aýylynyń mańynda Sátbaev-Qaraǵandy baǵytynda kele jatqan jolaýshylar avtobýsynyń jaǵarmaıy qatyp qalyp, toqtaýǵa májbúr bolǵany habarlanady. Avtobýsta 40 jolaýshy bolǵan.

Jıyrma adam Jezqazǵan-Astana baǵytymen kele jatqan avtobýsqa otyrǵyzyldy. Qalǵan jolaýshylar joly túsken kóliktermen jaqyn mańdaǵy eldi mekenderge jetkizilip, túneýge jaıǵastyryldy.

Jolaýshylardyń bári aman-esen. Avtobýs jóndeýge tirkep áketildi, dep habarlady tótenshe jaǵdaılar departamentiniń baspasóz qyzmetinen.