Qaraǵandy oblysynda jolda qalǵandarǵa tik ushaqpen kómek kórsetildi
QARAǴANDY OBLYSY. QazAqparat - Tas jolda zardap shekken azamat tik ushaqpen jezqazǵanǵa jetkizildi. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat tilshisi.
Vedomstvo málimetinshe, búgin saǵat 13-50-de Qaraǵandy oblysynyń Nura aýdanyna qarasty Taldysaı aýyldyq okrýgynyń aýmaǵynda ornalasqan «Qazhrom» TUK» AQ «Qazmarganets» fılıalyna qarasty «Týr» kenishinen 3 shaqyrym jerde 3 júk kóligi qar qursaýynda qalyp qoıǵan. Júk kólikterin qar qursaýynan shyǵarý barysynda eki kóliktiń arasynda 1956 jyly dúnıege kelgen azamat qysylyp qalǵan.
«Zardap shekken azamatty jedel aýrýhanaǵa jetkizý qajet boldy. Zardap shegýshiniń shuǵyl evakýatsııalaý úshin avıatsııa jiberý týraly sheshim qabyldandy. Oqıǵa ornyna Jezqazǵan qalasynan «Eýrazııa» AQ-nyń MI-8 ushaǵy medıtsına qyzmetkerlerimen jáne Qaraǵandy oblystyq TJD úsh qutqarýshysymen ushyp shyqty. Shuǵyl qabyldanǵan sharalardyń nátıjesinde saǵat 17-27-de zardap shegýshi Jezqazǵan qalasyna din aman jetkizildi jáne medıtsınalq mekemege jatqyzý úshin jedel járdem brıgadasyna tabystaldy», - dep atap ótedi komıtetten.
