Qaraǵandy oblysynda jolda qalǵan 70-ke jýyq adam qutqaryldy
QARAǴANDY. QazAqparat – Qaraǵandy oblysynda aýa raıynyń buzylýyna baılanysty barlyq avtokólik túrleri úshin avtojoldar jabyldy. Óńir qutqarýshylary qar qursaýynan avtokólikter men olardyń jolaýshylaryn qutqarýǵa kómektesýde, dep habarlaıdy QazAqparat tilshisi.
Avtokólikter kepteliste turǵan avtojoldardy jabý oryndarynda TJ departamentiniń, QR TJM 52859 áskerı bóliminiń jáne polıtsııanyń kúshimen adamdardy evakýatsııalaý jáne olardy eldi mekender men jylytý pýnktterine jetkizý júrgizilýde.
Qazirgi ýaqytta apattyq-qutqarý jumystary barysynda 70-ke jýyq adam qutqarylyp, evakýatsııalandy.
Qaraǵandy oblysynyń TJD qyzmetkerleri kelesideı erejelerd ustanýǵa shaqyrady:
- eldi mekenderden tys jerlerge shyqpaý;
- jabylý oryndarynda avtojoldarda kólik quraldarynyń jınalýyn jasamaý;
- múmkindiginshe eldi mekenderde, kempıngterde, jol boıyndaǵy kafelerde ornalasý;
- ásirese túnde jáne aýa-raıy nasharlaǵan kezde alys qashyqtyqqa jaıaý júrýden aýlaq bolý;
- aýa-raıynyń ózgerýine sáıkes kıiný.
Barlyq oqıǵalar men TJ faktileri týraly 112 nemese 8(7212) 43-36-36, 43-37-37 telefondary arqyly habarlasýǵa bolady.
