Qaraǵandy oblysynda jolda qalǵan 322 adam qutqaryldy
QARAǴANDY. QazAqparat - Ótken táýlikte Qaraǵandy oblysynda 20 avtojol apattyq-qutqarý jumystary júrgizildi. Qutqarý sharalaryna TJ departamentiniń, Ulttyq gvardııanyń, Jergilikti polıtsııa qyzmetiniń, jergilikti atqarýshy organdardyń, medıtsınalyq uıymdardyń kúshteri men quraldary jumyldyryldy, dep habarlaıdy QazAqparat tilshisi TJD baspasóz qyzmetine silteme jasaı otyryp.
Jalpy bir táýlik ishinde Qaraǵandy oblysy boıynsha 322 adam, onyń ishinde 12 bala qutqaryldy, 69 adam qaýipsiz jerge kóshirildi.
«Temirtaý-Qaraǵandy» avtojolynda qar qursaýynda qalǵan avtokólikterden 136 adam, onyń ishinde 10 bala qutqaryldy. Jol boıyndaǵy dámhanalarda olar úshin jylytý jáne tamaqtaný pýnktteri uıymdastyryldy.
Sondaı-aq Qaraǵandy qalasynan «Sary-Arqa» áýejaıyna baratyn jolda qalǵan 72 adamǵa TJD kómektesti. Joldyń tazartylǵan ýchaskesine 23 jeńil jáne 2 júk kóligi shyǵaryldy.
Temirtaý qalasynyń mańynda qar qursaýynan qutqarýshylar «Nurqazǵan» kenishiniń 3 jumys avtobýstarynan 44 adamdy jáne jedel medıtsınalyq kómek kóligin evakýatsııalady.
Buqar Jyraý aýdanynda «Doskeı-Toǵyzqudyq-Botaqara» avtojolynda joldyń tazartylǵan ýchaskesine qar qursaýynan 9 jeńil avtokólik shyǵaryldy, onda 18 adam bolǵan.
«Shahtınsk qalasy – Shahan kenti» avtojolynda qar qursaýynda toqtap qalǵan avtokólikterden 25 adam qutqaryldy, joldyń tazartylǵan ýchaskesine 18 avtokólik shyǵaryldy.
Aqtoǵaı aýdanynda «Aqtoǵaı kenti – Balqash qalasy jolynda qarǵa maltyqqan, ishinde 10 adam bolǵan 2 avtokólik shyǵaryldy.
Sonymen qatar, jedel aýrýhanaǵa jatqyzýdy qajet etetin adamdardy medıtsınalyq mekemelerge tasymaldaý boıynsha da jumystar júrgizildi.
Atap aıtqanda, Aqtoǵaı aýdanynda Narmanbet aýylynan Balqash qalasynyń qalalyq aýrýhanasyna bosanǵan áıel jetkizildi. Qutqarýshylar taǵy bir júkti áıeldi túnde Aqtaý kentinen Temirtaý qalasynyń aýrýhanasyna apardy.
Al 29 qańtarda saǵat 04:20-da Buqar Jyraý aýdany Samarqand aýylynan bosanǵan áıel úshin qutqarýshylar Temirtaý qalasynan jedel járdem brıgadasyn jetkizdi. Qutqarýshylar budan basqa da qıyndyqqa tap bolǵan birneshe janǵa kómek qolyn sozdy.
Sonymen qatar, joldardy jabý beketterindegi kólik quraldarynyń júrgizýshileri men jolaýshylaryna tamaqtandyrý uıymdastyryldy, azyq-túlik usynyldy, janarmaı quıýǵa kómek kórsetildi.
Qazirgi ýaqytta respýblıkalyq mańyzy bar kelesi avtojoldar jabyq:
Sátbaev q. - Qostanaı oblysynyń shekarasy;
Temirtaý q. - Aqmola oblysynyń shekarasy;
Qaraǵandy q. - Aqsý-Aıýly aýyly;
Qaraǵandy q. - Pavlodar oblysynyń shekarasy;
Temirtaý q. - Aqmola oblysynyń shekarasy;
Botaqara kenti-Pavlodar oblysynyń shekarasy;
Botaqara kenti-Qarqaraly qalasy;
Botaqara kenti-Pavlodar oblysynyń shekarasy.
Avtojoldardy jabý/ashý, daýyldy eskertý, sabaqty toqtatý týraly aqparatty «Darmen» mobıldik qosymshasy arqyly bilýge bolady.
