Qaraǵandy oblysynda «Jolda qabyldaý» aktsııasy ótip jatyr

Qaraǵandy oblystyq Polıtsııa departamenti taratqan málimetke qaraǵanda, aktsııa ótetin kúni óńirdiń halyq kóp shoǵyrlanatyn jerlerinde arnaıy jabdyqtalǵan avtobýstarda ákimshilik polıtsııa, jergilikti jáne mıgratsııalyq qyzmetterdiń basshylyǵy azamattardy qabyldaý júrgizedi.

Turǵyndar qabyldaý barysynda polıtsııa qyzmetkerleriniń áreketteri, ákimshilik aıyppuldar, polıtsııa kórsetetin memlekettik qyzmetter týraly saýaldaryn qoıa alady.

Oblystyń qalalary men aýdan ortalyqtarynda 16 mobıldi qabyldaý pýnktteri qyzmet etedi. Ol jerlerde kelýshiler sondaı-aq tirkeý-emtıhan bólimsheleriniń, jol-tehnıkalyq qadaǵalaý jáne ákimshilik tájirıbe qyzmetiniń basshylaryna suraq qoıa alady.

Esterińizge sala keteıik, jaqynda Іshki ister mınıstri Erlan Turǵymbaev barlyq oblystarda halyqpen keri baılanysty qamtamasyz etýdi tapsyrǵan bolatyn.

Mobıldi qabyldaý oryndary:

- Qaraǵandy q., Qazybek bı atyndaǵy aýdan, Kenshiler mádenıet saraıy, Buqar jyraý dańǵ., 32 úı;

- Qaraǵandy q., Oktıabr aýdany «Molodejnyı» MÚ, 21 yqsham aýdany, 27/1 úı;

- Temirtaý q., «Aıan Passaj» SÚ aýmaǵy, Táýelsizdik k-si, 24 úı;

- Temirtaý q., «Ekspress» bazarynyń aýmaǵy, Respýblıka dańǵyly, 20 úı;

- Shahtınsk q., Mádenıet saraıy, Abaı dańǵyly, 48 úı;

- Saran q., Mádenıet saraıy, Jambyl k-si, 69A úıi;

- Jezqazǵan q., «Astana» SÚ aýmaǵy, Alashahan k-si, 24 úı;

- Sátpaev q., «Sýlpak» dúkeniniń aýmaǵy, Sátpaev dańǵyly, 122 úı;

- Balqash q., Mádenıet saraıy, Lenın k-si, 43 úı;

- Qarajal q., HQKO, Abaı k-si, 3 úı;

- Abaı aýdany, HQKO, Abaı k-si, 56 úı;

- Buqar jyraý aýdany, MÚ alańy, Qazybek bı k-si;

- Qarqaraly aýdany, Mádenıet saraıy, Áýbákirov k-si, 33 úı;

- Shet aýdany, HQKO, Jánibekov k-si, 23 úı;

- Osakarov aýdany, HQKO, Prıstantsıonnaıa k-si, 13 úı;

- Jańaarqa aýdany, HQKO, Táýelsizdik k-si, 23 úı.