Qaraǵandy oblysynda jolaýshylar poıyzy órtendi
QARAǴANDY. QazAqparat - Qaraǵandy oblysynda Astanaǵa bet alǵan poıyzda órt shyqty, dep habarlaıdy «QazAqparat» HAA tilshisi.
Tótenshe jaǵdaı búgin túste oryn aldy.
«Búgin saǵat 12:22-de Saryaǵashtan Astanaǵa baǵyt alǵan jolaýshylar poıyzynyń vagonynda órt shyqqany týraly habar kelip tústi», - dep habarlaıdy «Qazaqstan Temir Joly» kompanııasy.
Mashınıst Qaraǵanózek-Qarabas aralyǵynda «Qaraǵandy-Sortırovochnaıa» temir jolynyń 745-shaqyrymynda poıyzdy toqtatty.
Jalyndy óńirlik TJ departamentiniń órt sóndirýshileriniń kómeginsiz kompanııanyń óz kúshi aýyzdyqtady.
Poıyzdyń quramy ózdiginen jolaýshylardy evakýatsııalap, órtke oranǵan vagondy tirkeýden aǵytty. Órttiń jalpy aýmaǵy 30 sharshy metr. 3 kýpe, qalqan, tósek-oryn jabdyqtary janyp ketti.
