Qaraǵandy oblysynda jolaýshylar avtobýsy jyraǵa túsip ketti
QARAǴANDY. QazAqparat - Jol-patrýl polıtsııasy oblystyq batalony Omby qalasyna bara jatyp, apatqa ushyraǵan jolaýshylardy qutqardy, dep habarlaıdy «QazAqparat» HAA tilshisi.
29 jeltoqsan kúni túnde polıtsııaǵa Qazaqstan aýylynyń mańynda Qaraǵandy-Omby reısimen bara jatqan jolaýshy avtobýsy jyraǵa túsip ketkeni týraly habar keldi.
«Biz barǵanda avtobýs jyrada tur eken. DEÝ-45 arnaıy tehnıkasyn toqtattyq, tońyp qalǵan jolaýshylardy ózimizdiń mashınaǵa mingizip jylytyp, avtobýsty jolǵa shyǵarýǵa kómektestik», - deıdi polıtsııa qyzmetkeri, serjant Erik Janserikuly.
Jolaýshylar jolaı kezikken kóliktermen Maıózek aýylyna jetkizildi. Avtobýsty da sol jerge súırep jetkizdi. Jóndelgen soń, jolaýshylar sol avtobýspen saparyn jalǵastyryp ketti.
