Qaraǵandy oblysynda jol jóndeý jobalarynda 1500-den astam jumys orny ashylady

NUR-SULTAN. QazAqparat - Eldegi tótenshe jaǵdaı jáne oblystaǵy karantın sheńberindegi shekteý sharalaryna qaramastan, turǵyn úı qurylysy jáne joldardy jóndeý boıynsha josparlardy júzege asyrý mindeti basymdyqqa ıe bolyp otyr, dep málimdedi Qaraǵandy oblysynyń ákimi Jeńis Qasymbek selektorlyq rejımde ótken apparattyq keńes barysynda.

Qaraǵandy oblysynda avtomobıl joldaryn retke keltirý jalǵasýda. 2020 jylǵa 32 joba josparlanǵan, olardy iske asyrý 1500-den astam jumys ornyn ashýǵa múmkindik beredi.

«Ekinshi besjyldyq aıasynda oblystyq jáne aýdandyq mańyzy bar 3 000 shaqyrymnan astam avtomobıl joldarynda jóndeý jumystaryn ótkizý josparlanýda. Bul shamamen 7 500 jumys ornyn qurýǵa múmkindik beredi. 2025 jylǵa qaraı oblystyq jáne aýdandyq mańyzy bar avtojoldardyń jaqsy jáne qanaǵattanarlyq jaǵdaıdaǵy úlesi 95%-ǵa deıin jetkiziledi. 2020 jyly 32 jobany júzege asyrý josparlanyp otyr, onyń ishinde 20 ýchaskege ortasha jóndeý, bir jolǵa kúrdeli jóndeý, sondaı-aq jeti jol men tórt kópirdi qaıta jańartý josparlanýda, - dep habarlady Jolaýshylar kóligi jáne avtomobıl joldary basqarmasynyń basshysy Áskerbek Haltonov.

Onyń aıtýynsha, bıylǵy jyly oblystyq jáne aýdandyq mańyzy bar 533 shaqyrym avtojol jóndeýden ótedi. Barlyq jol nysandarynda 1 500-den astam jumys orny ashylady. Jyl qorytyndysy boıynsha jaqsy jáne qanaǵattanarlyq jaǵdaıdaǵy avtojoldar kórsetkishi 84%-ǵa deıin artýy tıis.
Novodolınka - Shahan - Molodetskoe, Osakarovka - Molodejnoe, Qarajal - Atasý, Abaı - Qarabas – Jartas - Dolınka, Kıevka - Shahter - Prjevalskoe, Qaraǵandy - Úshtóbe - Qurylys.

Sondaı-aq, apparattyq keńeste Qarqaraly men Ulytaý aerodromdary qurylysynyń jospary talqylandy. Jańa qurylys óńirdegi týrızmdi damytý úshin qajet. Qazirgi ýaqytta tehnıkalyq-ekonomıkalyq negizdeme ázirlenýde. Jobalardy iske asyrý 2022-2023 jyldary belgilenip otyr.