Qaraǵandy oblysynda jol kólik apatynan aýyl ákimi aýrýhanaǵa jetkizildi
QARAǴANDY. QazAqparat - Qaraǵandy oblysy Osakarovsk aýdany Saryózek kentiniń ákimi men taǵy bes adam jol kólik apatyna ushyrap, jaraqat aldy. Apat ákimdiktiń mashınasy men qarsy kele jatqan kóliktiń soǵysýy saldarynan oryn aldy, dep habarlaıdy «QazAqparat» HAA tilshisi
Anyqtalǵandaı, Saryózek aýyly ákiminiń «Reno Daster» markaly qyzmettik avtomobıli Qaraǵandy-Aqtaý kenti tasjolynda «Lada Prıora» mashınasymen soqtyǵysqan.
Jedel járdem mashınasy oqıǵa ornynan zardap shekken alty adamdy, sonyń ishinde aýyl ákimi Jumash Jırenbaevty aýrýhanaǵa jetkizgen.
«Zardap shegýshilerdiń jaǵdaıy birqalypty. Bes adam neırohırýrgııa bólimine jatqyzyldy. Al travmatologııalyq bólimge jetkizilgen zardap shegýshilerdiń biri dárigerdiń qaraýynan keıin, úıine jiberildi», - dep habarlady Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Jumash Jırenbaev ákim qyzmetine 2016 jyldyń 8 jeltoqsan kúni taǵaıyndalǵan.
