Qaraǵandy oblysynda jol apatynan úsh adam qaza tapty
QARAǴANDY. QazAqparat - Qaraǵandy oblysynyń Abaı-Shahtınsk tas jolynda jol apaty oryn aldy. Apat saldarynan eki 18 jastaǵy jigit jáne 52 jastaǵy áıel kóz jumdy, dep habarlaıdy QazAqparat tilshisi.
11 qazan saǵat 14.00 shamasynda Abaı-Shahtınsk avtojolynda «Lada Prıora» avtokóliginiń 19 jastaǵy júrgizýshisi qarsy qozǵalys jolaǵyna shyǵyp, 59 jastaǵy júrgizýshiniń basqarýyndaǵy «Nıva-21213» avtokóligimen soqtyǵysqan. Aldyn ala málimetter boıynsha, jigit rólge ıe bola almaı qalǵan.
Jol-kólik oqıǵasy saldarynan apat ornynda «Lada Prıora» avtokóliginiń 18 jastaǵy jolaýshysy men «Nıva-21213» avtokóliginiń 52 jastaǵy jolaýshysy qaza tapty. Taǵy bir jas jolaýshy aýrýhanada kóz jumdy.
«Medıtsınalyq mekemege «Lada Prıora» avtokóliginiń júrgizýshileri men eki jolaýshysy jetkizildi. «Lada Prıora» avtokóliginiń 18 jastaǵy jolaýshysy esinen tanyp, aýrýhanada qaıtys boldy.
Atalǵan fakti boıynsha QR QK 345-baby 4-bóligi boıynsha qylmystyq is tirkeldi. Tıisti saraptamalar taǵaıyndaldy, olardyń nátıjeleri boıynsha protsessýaldyq sheshim qabyldanatyn bolady», - dep habarlady Qaraǵandy oblysy PD baspasóz qyzmeti.
