Qaraǵandy oblysynda jol apatynan tórt adam kóz jumdy
Polıtsııa qyzmetkerleriniń jol erejelerin qatań saqtaý, jyldamdyqty shekten tys asyrmaý týraly birneshe eskertýine qaramastan, sońǵy qaıǵyly jaǵdaıǵa soqtyrǵan jol apttary jıilep ketti. Tek, ótken táýlikte Qaraǵandy oblysynyń joldarynda 3 jol-kólik oqıǵasy tirkelip, tórt adam qaza tapty.
«13 tamyz kúni túngi saǵat 01.30 shamasynda, «Aqsý-Aıýly-Aǵadyr» tasjolynda Aǵadyr kentinen 30 shaqyrym jerde 20 jastaǵy «BMV» avtokóliginiń júrgizýshisi aldyn ala boljam boıynsha Aǵadyr kentine bara jatyp, rólge ıe bola almaı qalyp, aýdarylǵan. Oqıǵa saldarynan kóliktegi eki jolaýshy oqıǵa orynynda qaza tapty», - dep habarlady Qaraǵandy oblysv PD baspasóz qyzmeti.
Dál osy kúni saǵat 13:10-da «Qaraǵandy-Balqash» tasjolynda Jumabek aýylyna 5 shaqyrym jetpeı 42 jastaǵy kólik júrgizýshisi joldyń qarsy baǵytyna shyǵyp ketip, 63 jastaǵy azamattyń basqarýyndaǵy «Leksýs» avtokóligimen soqtyǵysqan. Eki avtokóliktiń júrgizýshileri ártúrli dene jaraqattarymen aýrýhanaǵa jetkizildi. Sońynda «Leksýs» avtokóliginiń júrgizýshisi aýrýhanada qaıtys boldy.
13 tamyz keshki saǵat 20:11-de «ıAlta-Qulaıǵyr» tasjolynda 64 jastaǵy «Taıota Prevııa» avtokóliginiń júrgizýshisi aldyn ala boljam boıynsha kólikti basqara almaı 39 jastaǵy azamattyń basqarýyndaǵy «Lada-Prıora» avtokóligimen soqtyǵysqan. Jol-kólik oqıǵasynan 49 jastaǵy «Lada-Prıora» avtokóliginiń jolaýshysy alǵan dene jaraqattary saldarynan oqıǵa orynynda qaza tapty. Sondaı-aq, «Lada-Prıora» avtokóliginiń 3 jolaýshysy, «Taıota Prevııa» avtokóliginiń júrgizýshisimen 5 jolaýshysy ártúrli dene jaraqattarymen aýrýhanaǵa jetkizildi.
Barlyq faktiler boıynsha sotqa deıingi tergeý amaldary bastaldy. Tıisti saraptamalar taǵaıyndalyp, tergeý amaldary júrgizilýde.
Qaraǵandy oblysy Polıtsııa departamenti kólik júrgizýshilerdi osyndaı qaıǵyly jaǵdaılarǵa jol bermeý úshin qarapaıym erejelerdi saqtap, jyldamdyqty asyrmaýǵa shaqyrady.
