Qaraǵandy oblysynda jol apatynan kolledj stýdenti qaza tapty
ASTANA. 16 shilde. QazAqparat - Qaraǵandy oblysynda oryn alǵan jol-kólik apatynda kolledjdiń stýdenti mert boldy.
Bul týraly Qaraǵandy oblysy ІІD-niń baspasóz qyzmeti habarlady.
Jol-kólik apaty 15 shilde kúni saǵat 13.00-de Shet aýdanynda Aqshataý kentinen 20 shaqyrym jerde «Ekaterınbor-Almaty» kúre jolynda boldy.
Balqash qalasyna baǵyt alǵan «Sang-Iong» kóliginiń sol dońǵalaǵy jarylyp, jyraǵa aýdarylyp ketti.
Jol-kólik apatynyń saldarynan kóliktiń jolaýshysy - 19 jasar boıjetken, kolledjdiń stýdenti oqıǵa ornynda qaza tapty.
Ártúrli jaraqatpen 50 jáne 21 jastaǵy áıelder, 5 jáne 12 jastaǵy balalar aýrýhanaǵa jetkizildi. Olardyń barlyǵy Balqash qalasynyń turǵyndary. Jol-kólik apatynyń faktisi boıynsha tekserý amaldary júrgizilýde.
