Qaraǵandy oblysynda jol apatynan eki adam qaza tapty
QARAǴANDY. QazAqparat - Qaraǵandy - Nur-Sultan avtojolynda bes avtokólik soqtyǵysyp, jol apatynan eki adam qaza tapty, dep habarlaıdy QazAqparat tilshisi.
14 qarasha kúni saǵat 19.20-da Qaraǵandy - Nur-Sultan tas jolynda tólem termınalynyń janynda bes kóliktiń qatysýymen jol-kólik oqıǵasy boldy.
Apat saldarynan oqıǵa ornynda eki adam qaza tapty.
«Atalǵan fakti boıynsha QR QK 345-babynyń 4-bóligi boıynsha qylmystyq is tirkeldi. Olardyń nátıjeleri boıynsha tıisti saraptamalar taǵaıyndaldy», - dep habarlady Qaraǵandy oblystyq Polıtsııa departamentiniń baspasóz qyzmeti.
Qaraǵandy oblysynyń Polıtsııa departamenti júrgizýshilerden jol qozǵalysy erejelerin saqtaýǵa shaqyrady. Kún raıynyń buzylýyna baılanysty joldarda kóktaıǵaq baıqalady. Tártip saqshylary avtokólik júrgizýshilerin jyldamdyq rejımin asyrmaýǵa, saq bolýǵa shaqyrdy.
