Qaraǵandy oblysynda jol apatynan 5 adam qaza boldy
QARAǴANDY. QazAqparat – Qaraǵandy oblysynyń trassasynda eki kólik soqtyǵysyp, saldarynan 5 adam qaza boldy, dep habarlaıdy QazAqparat.
Qaraǵandy oblystyq Polıtsııa departamentinen málim etkendeı, 31 qańtar kúni saǵat 23.50 shamasynda «Qaraǵandy-Abaı» tasjolynda BMW avtokóliginiń 35 jastaǵy júrgizýshisi aldyn ala boljam boıynsha, rýlge ıe bola almaı qalǵan. Solaı, joldyń qarsy baǵytyna shyǵyp, 26 jastaǵy azamattyń basqarýyndaǵy Chevrolet kóligimen soqtyǵysqan. Ekinshi mashınanyń ishinde 4 jolaýshy bolǵan.
«Jol-kólik oqıǵasy saldarynan BMW avtokóliginiń júrgiziýshisi men jolaýshysy, sondaı-aq Chevrolet avtokóliginiń 3 jolaýshysy alǵan jaraqattarynan oqıǵa ornynda kóz jumdy. Chevrolet-tiń júrgizýshisi men taǵy 1 jolaýshysy túrli dene jaraqattarymen aýrýhanaǵa jatqyzyldy. Atalǵan fakti boıynsha QR Qylmystyq kodeksiniń 345-baby 4-bóligine sáıkes qylmystyq is tirkeldi. Tıisti saraptamalar taǵaıyndalyp, tergeý amaldary júrgizilýde», - dep habarlady PD baspasóz qyzmetinen.
Qaraǵandy oblysynyń Polıtsııa departamenti qarapaıym jol júrý erejelerin saqtap, jyldamdyqty shekten tys asyrmaýdy suraıdy.
