Qaraǵandy oblysynda jol apatynan 4 adam zardap shekti
QARAǴANDY. QazAqparat – Qaraǵandy oblysynda júk kóligi jeńil kólikpen soqtyǵysyp, saldarynan 4 adam zardap shekti, dep habarlaıdy QazAqparat tilshisi.
26 shildede «Almaty – Ekaterınbýrg» avtojolynda «Shansıman» avtokóliginiń 34 jastaǵy júrgizýshisi joldyń qıylysynan ótip bara jatqan «Nıssan Almera» avtokóligimen soqtyǵysqan.
Jol-kólik oqıǵasy saldarynan «Nıssan Almera» avtokóliginiń júrgizýshisi men úsh jolaýshysy ártúrli jaraqatpen medıtsınalyq mekemege jatqyzyldy.
Jol apaty deregi boıynsha tıisti saraptamalar taǵaıyndaldy. QR QK 345-babynyń 1-bóligi boıynsha tergeý júrip jatyr.
