Qaraǵandy oblysynda jol apatynan 3 adam mert boldy

ASTANA. QazAqparat - Qaraǵandy oblysynda jol apatynan 3 adam qaza tapty, dep habarlaıdy QazAqparat QR ІІM baspasóz qyzmetine silteme jasap.

27 tamyz kúni keshki saǵat 18:30 shamasynda «Qaraǵandy - Aıagóz - Buǵaz» tasjolynda, Qarqaraly qalasynan 20 shaqyrym jerde Mercedes-Benz avtokóliginiń 35 jastaǵy júrgizýshisi, aldyn ala boljam boıynsha, kóliktiń basqarýyna ıe bola almaı qalyp, joldyń qarsy baǵytyna shyǵyp ketken de, 45 jastaǵy azamattyń basqarýyndaǵy Toyota Land Cruiser 100 avtokóligimen soqtyǵysqan.

Jol-kólik oqıǵasy saldarynan Mercedes-Benz kóliginiń júrgizýshisi men eki jolaýshysy qaza boldy.
Al Toyota Land Cruiser 100-diń júrgizýshisi men eki jolaýshysy aýrýhanaǵa jetkizildi.
Tıisti saraptamalar taǵaıyndalyp, tergeý áreketteri júrgizilýde.