Qaraǵandy oblysynda jol apatyna qatysty tergeý jumystary bastaldy
ASTANA. QazAqparat -Almaty-Ekaterınbýrg tasjolynda bir adam qaza taýyp, 10 jolaýshy zardap shekken jol-kólik oqıǵasy faktisi boıynsha sotqa deıingi tergeý jumystary bastaldy, dep habarlaıdy Qaraǵandy oblystyq ІІD baspasóz qyzmeti.
11 aqpanda 21:00-de Balqash qalasyna bet alǵan Mercedes-Benz kóliginiń 33 jastaǵy júrgizýshisi, aldyn ala derek boıynsha, qarsy jolaqqa shyǵyp ketip, 34 jastaǵy júrgizýshi júrgizip kele jatqan BMW avtokóligimen soqtyǵysqan. Onyń artynan kele jatqan Nissan kóligi mashınalardyń birine soǵylady.
Jol apaty saldarynan BMW kóliginiń 37 jastaǵy jolaýshysy alǵan jaraqaty saldarynan oqıǵa ornynda kóz jumady. Úsh avtokóliktegi 10 jolaýshy túrli jaraqatpen medıtsınalyq mekemelerge jetkizilgen.
«Almaty-Ekaterınbýrg tasjolynyń 934 shaqyrymynda bolǵan jol-kólik oqıǵasy faktisi boıynsha QR QK 345-baby 3-bólimi boıynsha sotqa deıingi tergeý amaldary bastaldy. Sáıkes saraptamalar taǵaıyndaldy», - delingen habarlamada.
