Qaraǵandy oblysynda jol apaty saldarynan úsh adam qaza taýyp, taǵy úsh adam jaralandy
QARAǴANDY. Aqpannyń 2-si. QazAqparat /Valentına Elızarova/ - Qaraǵandy oblysynda «Qyzylorda-Pavlodar» tas jolynyń 937-shi shaqyrymynda dúısenbi kúni «Mıtsýbısı-Delıka» jáne «Mersedes» kólikteri soqtyǵysyp qaldy,
dep habarlaıdy oblystyq tótenshe jaǵdaılar departamentiniń baspasóz qyzmetinen.
Buqar jyraý atyndaǵy aýdany aýmaǵynda Dýbovka selosynan 1 shaqyrym jerde oryn alǵan jol apatynyń saldarynan úsh adam qaza taýyp, taǵy úsh adam jaralandy. «Oqıǵa ornynda «Mersedes» kóliginiń 59 jastaǵy júrgizýshisi men onyń jolaýshysy - 1975 jyly týǵan áıel qaza tapty. Sol kólikte kele jatqan 53 jastaǵy áıel alǵan jaraqattan Abaı aýrýhanasynda kóz jumdy», dep habarlady departamenttiń baspasóz qyzmetinen.
Zardap shekkenderdiń ishinde «Mersedes» kóliginde bolǵan 15 jastaǵy qyz bala bar. Ol Saran aýrýhanasyna jetkizildi. «Mıtsýbısıdiń» jolaýshylary da zardap shekken: 38 jastaǵy áıel men 31 jastaǵy er azamat túrli jaraqattarmen Abaı jáne Saran aýrýhanalaryna jetkizildi.
