Qaraǵandy oblysynda jıyrma kóp balaly otbasy baspanaly boldy
«Kiltterdi tabystaý rásimi el Táýelsizdiginiń 30 jyldyǵyna oraılastyrylǵan. Bul jańa qonystanýshylar úshin ǵana emes, jalpy bizdiń aýdan úshin de mańyzdy oqıǵa. Úıler «Nurly jer» baǵdarlamasy aıasynda salynǵan. Jańa úılerge qonystanǵan otbasylaryna amandyq pen baqyt tileımiz», – dep quttyqtady Jańaarqa aýdanynyń ákimi ıÝrjan Bekqojın.
Juldyz Tólegenova kúıeýimen birge tórt bala tárbıelep otyr. Bastaýysh synyp muǵalimi turǵyn úı kezeginde on jyl turdy. Osy jyldar boıy otbasy páter jaldap turǵan. Aı saıyn otbasylyq bıýdjetten turǵyn úıdi jalǵa alýǵa 50 myń teńge jumsaldy.
«Jaldamaly páterlerde turyp, jaılylyq ornatý múmkin emes, óıtkeni kez-kelgen ýaqytta sizden kóshýdi suraýy múmkin. Osy jyldar ishinde biz óz shańyraǵymyzǵa ıe bolamyz degen senimmen ómir súrdik. Bizge úsh bólmeli úı berildi. Tamasha jóndeý jasalǵan. Bizge bári unaıdy. Endi kóshýge daıyndalyp jatyrmyz», – dedi Juldyz.
Qazaq tili men ádebıeti pániniń muǵalimi Aqqý Ákimbekova da óz kezegin on jyldan astam kútken. Ol jalǵyz ózi tórt bala tárbıelep otyr.
«Men jańa úıli bolǵanyma óte rızamyn, óıtkeni bul balalarymmen birge kópten kútken armanymyz. Biz bir orynnan ekinshi orynǵa kóshýden sharshadyq. Endi bári basqasha bolady. Meniń balalarym baqytty», – dedi Aqqý.
Jańaarqa aýdanynda turǵyn úı kezeginde barlyǵy 840 adam tur. Onyń 133-i «Kóp balaly otbasylar» sanatyna jatady. Jyl sońyna deıin aýdanda taǵy 12 otbasy qonys toıyn toılaýy tıis.
