Qaraǵandy oblysynda jeti bilim berý nysany tapsyrylady - óńir ákimi
ASTANA. QazAqparat - Qaraǵandy oblysynda jeti bilim berý nysany tapsyrylady. Bul týraly búgin Ortalyq kommýnıkatsııalar qyzmetindegi brıfıngte osy óńirdiń ákimi Nurmuhambet Ábdibekov málim etti.
«Qazirgi kezde 14 bilim berý uıymdary nysandarynyń qurylysy men rekonstrýktsııasy júrip jatyr. Prıozersk qalasynda 400 orynǵa arnalǵan óner jáne sport mektebin qaıta jańǵyrtý jumystary aıaqtaldy. Jyl sońyna deıin bilim berýdiń jeti nysany paıdalanýǵa beriledi. Onyń ishinde tórt balabaqsha, 600 oryndyq mektep, 100 oryndyq jataqhanasymen 200 oqýshyǵa arnalǵan kásibı-tehnıkalyq lıtseı bar», - dedi ákim. Belgili bolǵandaı, óńirde mektepke deıingi bilim berý uıymdarymen qamtý deńgeıi 87,3 paıyzdy qurap otyr.
