Qaraǵandy oblysynda jeti aılyq bala qar qursaýynan qutqaryldy
QARAǴANDY. QazAqparat - Jol-patrýldik polıtseıler jeti aılyq jáne bes jasar balamen birge alty adamdy qutqardy, olar oblystyń kúre jolynda qar qursaýynda qalyp qoıǵan, dep habarlady «QazAqparat» HAA tilshisi.
Almaty-Ekaterınbýrg tas jolyn qarap ótpekshi bolǵan polıtseıler 973 shaqyrym jerde jol jıeginde qar basyp qalǵan kólikti kóredi. Jol-patrýldik polıtsııa batalonynyń ınspektorlary kólikke jetip, jaǵdaıdy biledi.
«Polıtseıler salonnan balalardy (bireýi náreste) kóredi. Júrgizýshiler joldyń kórinbegenine, qatty jelge qaramastan, alys jolǵa shyqqandyǵyn aıtty. Polıtseıler olardy qutqarýǵa kiristi, aıaz kúsheıgendikten úsip qalý qaýpi boldy», - dedi jergilikti polıtsııa qyzmetinen.
Starshına Qusaıynov, aǵa serjant Qabykenov, starshına Medetov jáne aǵa leıtenant Seıitov olardy qyzmettik kólikke otyrǵyzyp, ystyq shaı berdi. Polıtseıler kólikti qardan alyp shyqty, - dedi jergilikti polıtseı qyzmetinen.
Júrgizýshiniń telefonyn alyp, olardy úılerine jetkenshe tekserip otyrdy.
«Júrgizýshi jergilikti polıtsııa bastyǵy, polıtsııa polkovnıgi Jalǵasbaı Jaqaevqa otbasyn qar qursaýynan qutqarǵany úshin alǵys aıtyp, hat jazdy. Eger olar kelmegende, qaıǵyly jaǵdaı oryn alar edi», - dep atap ótilgen habarlamada.
