Qaraǵandy oblysynda jergilikti taýar óndirýshiler baǵany turaqtandyrýǵa kómektesip jatyr
Oblys ákimdiginde baǵany tejeý sharalary týraly aıtyldy. Óńirde azyq-túlik taýarlaryna baǵa belgileýdiń búkil tizbegi boıynsha deldaldyq shemalardy tergeý jónindegi komıssııa jumys isteıdi. Oblys ákiminiń orynbasary Baýyrjan Asanov memlekettik organdar ókilderiniń, iri saýda jelileri basshylarynyń, kóterme jetkizýshilerdiń, aýyl sharýashylyǵy taýaryn óndirýshilerdiń qatysýymen otyrys ótkizdi.
Kásipkerlerge áleýmettik mańyzy bar azyq-túlik taýarlaryna ruqsat etilgen saýda ústemesi 15%-dan aspaıtynyn eske saldy. Sýpermarketterge ǵana emes, turǵyn úıler mańyndaǵy dúkenderge de baqylaý júrgizilip jatyr.
Mańyzdy mindet – artyq deldaldardy joıý. Ol úshin ákimdik sýpermarket ıelerine taýar óndirýshilermen tikeleı jumys isteýdi usynady.
Іshki naryqty óz ónimderimen qanyqtyrý týraly aýyl sharýashylyǵy basqarmasynyń basshysy Asqar Sanaýbarov aıtyp berdi.
– Bıyl kartop óndirý kólemin – 11,1%-ǵa, sábiz – 23%-ǵa, qyryqqabat – eki esege ulǵaıtý josparlanýda. Jergilikti taýar óndirýshilerden turaqtandyrý qoryna 295 tonna kartop, 200 tonna sábiz satyp alyndy, – dedi ol.
Sonymen qatar, aınalym shemasynyń arqasynda sýpermarketter men áleýmettik pavılondarda kartop, sábiz, qyryqqabat jáne pııaz belgilengen baǵamen satylady. Asqar Sanaýbarov jetkizilimderdiń turaqty ekenin, 2022 jyldyń qarasha aıynan bastap jalpy kólemi 648,6 tonnany quraǵanyn atap ótti.
Sondaı-aq, jasalǵan memorandýmdar sheńberinde jergilikti qus fabrıkalary óz ónimderin belgilengen tómendetilgen baǵamen satady.
Sonymen qatar, kún saıyn saýda oryndaryna rezervtik qordyń uny men azyq-túlik korporatsııasynyń astyǵynan óndiriletin áleýmettik nan jetkiziledi. Sýpermarketterge sondaı-aq qoljetimdi baǵamen rezervtik un jetkiziledi.
– Baǵany ustap turý – basty mindet. Jalpy, áleýmettik mańyzy bar ónimderdiń 19 ataýynyń 14-in ózimiz oblysta óndiremiz. Biz bes túrli ónim jetkizemiz: kúrish, qaraqumyq, kúnbaǵys maıy, qant jáne tuz. Baǵany turaqtandyrý boıynsha jumys jedel jáne strategııalyq sheshimderdi talap etedi, – dep atap ótti Baýyrjan Asanov.
– Kásipkerler zańnamany nazardan tys qaldyrmaýy kerek – ruqsat etilgen saýda ústemesin ustaný kerek. Baǵa belgileýdiń barlyq tizbegi baqylanady, baqylaý júrgiziledi.
