Qaraǵandy oblysynda jeńil kólik jaıaý júrginshini qaǵyp ketti
QARAǴANDY. QazAqparat – Qaraǵandy oblysynda jeńil avtokólik júrgizýshisi jaıaý júrginshini qaǵyp ketti, dep habarlaıdy QazAqparat tilshisi.
18 shilde kúni tańǵy saǵat 08:00-der shamasynda Saran tas jolynda 29 jasar «Vaz 2110» avtokóliginiń júrgizýshisi jaıaý júrginshini qaǵyp ketti.
Bastapqy málimet boıynsha zardap shekken áıel adam jaıaý júrginshiniń jolynan ótip bara jatqan. Zardap shegýshi sol jerde kóz jumdy.
Atalǵan oqıǵa QR QK-niń 345-baby 3-bóligi boıynsha polıtsııada tirkelip, tıisti saraptamalar taǵaıyndaldy. Qazir tergeý júrgizilip jatyr.
